Bibelen er så mykje meir enn ei bok, han er eit heilt bibliotek med noveller, biografiar, poesi, helteepos og apokalypsar. Den populære biskopen i Oslo, Kari Veiteberg, viser veg inn i bibeltekstane. Frå evangelia tek ho oss med til Det gamle testamentet og vidare til breva, salmane og merkelege tekstar som Johannes' openberring.

Ho fortel om fæle forteljingar og vers som er brukte til å halde kvinner nede. Vi får vite kor kjende uttrykk som «perler til svin» og «ulv i fåreklede» kjem frå, og dei flotte illustrasjonane i boka viser korleis historiene i Bibelen er gjenskapt i verdskunsten. Den kunnskapsrike og inspirerande formidlaren Kari Veiteberg får oss til å vilje oppdage Bibelen på ny - eller for første gong.